MODA magazine TAQDIMOTI

2017-yilning may oyi "Podium Italia" kompaniyasi tarixiga muhtasham tadbir bilan muhrlandi: yangi yaltiroq muqovali MODA magazine nashrining ilk soni taqdimoti bo'lib o'tdi — loyiha zamonaviy o'zbek jurnallari orasida sifatning yangi darajasini olib kirish maqsadida amalga oshirildi.

Hyatt Regency Tashkent'da 12-may kuni o'tgan rasmiy taqdimot poytaxtning deyarli barcha mashhurlarini to'pladi. Bu yerda Andrey Malaxovni bar ustuni oldida yoki Kristina Orbakayteni sahnaga chaqirayotgan boshlovchi Alla Mixeyevani uchratish mumkin edi. Kechada o'zbek shou-biznesi yulduzlari — Rayhon G'aniyeva, Farruh Zokirov, xonanda Shahzoda va ko'plab boshqalar ko'zga tashlandi.
Tadbir shundayin shov-shuvli nomlarni bejiz to'plamadi: loyiha tashabbuskori sifatida O'zbekistonda "lyuks" segmenti bo'yicha 10 yildan ko'proq tajribaga ega "Podium Italia" multibrendli butigi (kompaniya portfoliosiga Glamour, Podium Italia, Brioni va Mirror butiklari kiradi) chiqdi. Taqdimotda estrada va kino yulduzlaridan tashqari yana faxriy mehmonlarni,do'stlarni va mamlakatdagi taniqli IT-girls'ni uchratish mumkin edi.

Kecha sababchisi — MODA jurnali haqiqatdan ham yirik taqdimotni va e'tiborga munosib. Birinchidan, bu (hozircha) jahon modasi mavzusiga nigohi qaratilgan yagona o'zbek jurnalidir. Jurnalda moda to'g'risida nafaqat o'zbek mutaxassislari va insayderlari, balki xorijlik mualliflar ham yozadilar, hikoya qiladilar.