DOLCE&GABBANA KO'RGAZMASI

Glamour butigi - Toshkent Moda haftaligi doirasida Dolce&Gabbana ko'rgazmasi tashkilotchilari hikoya qilishicha, yuzlab tomoshabinlar ko'z o'ngida yorqin va esda qolarli tarix aynan mana shunday bo'lib o'tdi.

Radisson Blu Hotel'ning dabdabali ta'minlangan Grand Ballroom zali nafis parqu liboslar va tangachalardan yarqirayotgan yubkalarni kiyib ko'rish, dugonalar qarshisida liboslarni ko'z-ko'z qilish, his-hayajonga to'la munosabat va olqishlarni eshitish uchun hozirlangan buduar, garderobga aylandi.
Jarayonga yumaloq divandan joy olgan brend logotipi tushirilgan katta-katta qutilar, choyxo'rlik uchun yoyilgan stolchalar va o'z soatini kutayotgan, liboslar ilingan manekenlar qo'shildi…

Mehmonlar orasida Moda haftaligi ishtirokchilari ham, xorijiy Moda uylari, elchixonalar vakillari va shou-biznes va jahon kinosan'ati yulduzlari ham bo'ldilar.