GLAMOUR moda shousi

Toshkent Moda haftaligi doirasida o'tgan Glamour butigi to'plamlari namoyishi – doimo o'ziga xos va esda qolarli bo'ldi. Yorqin va bir xillikdan yiroq moda tajribalari, hashamdor zallar va podiumlar, eng dolzarb trendlar va ijodiy makon: Style Uz mehmonlari Glamour tomonidan taqdim etilgan brendlarni aynan shunday ko'rishdi.

Navbatdagi ko'rgazma poytaxtning ko'zga ko'ringan maskanida - "Zarqaynar" majmuasida, milliy va yevropa bezaklaridan iborat murakkab bo'yoqlarga hamohang o'tdi. Ko'rgazmalar zalida Glamour butigining mavsumiy konsepsiyasi ruhida yasatilgan hashamdor makon tashkil etildi.

Podiumda tomoshabinlarning qarsaklari va olqishlariga sabab bo'lgan yetakchi brendlarning kuz-qish mavsumi modellari rangbarang tarzda almashib turdi. Podiumning o'ziga xos yoritilishi va effektli musiqiy ta'minot defilening asosiy uslubiy yo'nalishlari bilan uyg'unlik hosil qildi.
Ko'rgazma boshlovchilari sifatida Andrey Malaxov, Tatyana Lazareva va Mixail Shats chiqdilar. Kechaning musiqiy qismi "Richchi E Poveri" chiqishi bilan yanada go'zallashdi.